Ka lympung ïalehkai phutbol jong ka kyrdan 2nd Division bala pynïaid da ka East Jaiñtia Hills District Football Association kaba la long ha kane ka sngi Saitjaiñ 28 tarik u Nailur ha madan Artificial Turf, Diengshynrum, Khliehriat.
Haba phai sha ka jingïakhun Semi Final ba nyngkong mynta ka sngi ka Sutnga Mission SSCC kala pynliem da 3-0 kol ïa ka Ladrymbai Dongwah SC, ïa kitei ki kol na ka Sutnga Mission SSCC la thep da u Wellson Pala haka minit ba 8, u Lebor Bamon haka minit ba 49 bad u Moses Swer (senior player) haka minit ba 66.
Katba ha ka jingïakhun Semi Final kaba ar ka Musniang SC kala lah ban pynliem da 2-0 ïa ka R.Madanpynriang SC, ïa kitei ki kol na ka Musniang SC la thep da u Nikerda Dkhar haka minit ba 3 bad u Heimonmiki Dkhar haka minit ba 73.
Lyngba kane ka jingjop ka kynhun ïalehkai jong ka Sutnga Mission SSCC bad ka Musniang SC ïa kila ïoh ban rung sha ka jingïakhun Phainal jong kane ka lympung 2nd Division mynta u snem.