U chairman jong ka 16th Finance Commission u Arvind Panagariya u la ioh ban wan jngoh ia ka Khasi Heritage Village bad ka Lawkyntang ha Mawphlang mynta ka sngi ka 1tarik Risaw 2024.
Haba kren sha ki lad pathai khubor u Arvind Panagariya Chairman jong ka 16th Finance u la pynpaw ia ka jingitynnad ia ka Mawphlang Lawkyntang bad u iapbiej ia ka jingitynnad bad u ai jingiaroh ia ka shnong bad ka jingitynnad ba ki pyneh pynsah khamtam ia ka riti ka dustur jong ki khasi.
U pynpaw ba ha kawei ka sngi un sa wan ban jngoh biang ia ka Meghalaya ryngkat bad ki ba haïing ba hasem bad u la ong ruh ba ka dei kawei na ki jylla ba itynnad hapoh ka ri.
