Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 1 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Mutong YWSC kala pynliem da 2-1 kol ïa ka Cham Cham SSC, ïa ki kol na ka Mutong YWSC la thep da u Deimonkiru Dkhar haka minit ba 1 bad u Defence Phawa haka minit ba 55. Ïa ka shikol na ka Cham Cham SSC la thep da u Wilroes Phawa haka minit ba 48.
Ha ka jingïakhun kaba ar ka Rymbai Sports YWO ka la pynliem da 2-1 kol ïa ka Lama Youth SSC, ïa ki kol na ka Rymbai Sports la thep da u Solify Swer haka minit ba 42 bad u Eme Rymbai haka minit ba 52. Katba ïa ka shikol na ka Lama Youth SSC la thep da u Hajanmi Rymbai haka minit ba 13.