Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 2 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Umtyra YWSC kala jop da 3-1 ïa ka bad ka Nongsning Youth SSC da ka jingïashut Tie Breaker.
Haka jingïakhun kaba ar ka Tuber Shohshrieh SSC kala pynliem da 4-1 kol ïa ka Shymplong SCSC, ïa ki kol na ka Tuber Shohshrieh la thep da u Kyntulang Shylla haka minit ba 5, u Precious Sutnga haka minit ba 36 (Own Goal), u Bahun Bang haka minit ba 53 bad u Lakhon Bang haka minit ba 74. Ïa ka shikol na ka Shymplong SCSC la thep da u Elizer Syih haka minit ba 79.
Katba ha ka jingïakhun kaba lai ka Dkhiah West SC kala pynliem da 1-0 kol ïa ka Wahsanphaw SCSC, ïa katei ka shikol na ka Dkhiah West la thep da u Neverming Kya haka minit ba 61.
Ki kynhun jong kane ka lympung kiba la ïoh ban rung sha ka Round-16 ki long ka Ryntihlang SC Brichyrnot, Ratacherra CSC, Wapungskur SSWO, Umtyra YWSC, Khliehriat East YWSC, Nongthymme SC, Moopyniein SCSO, Tuberkmaishnong CSC, Suchen Mulieh YWSC, Evergreen SC Ladwahwapung, Dkhiah West SC, Wapung shnong SCSC, Moolang SC, Musniang Rim SC, Lumshnong YWSC bad ka Lakadong Ummat SCC.