Ki Nongialam jong ka Voice of the People Party (VPP) mynta ka sngi ka 3 tarik Risaw 2024 ki la wan iakynduh ia u VC jong ka NEHU halor ka jingmih ki kynrum kynram ha kane ka skul bah.
Haba iakren sha ki lad pathai khubor na ka liang u President jong ka voice of the people party u Bah Ardent Basaiawmoit u la ong ia u Vice Chancellor Professor Prabha Shankar Shukla ba ka VPP kam ym ailad ia kano kano ka kam ban pynmyntoi ia kiwei bad ban pynduh nong ia ka jaidbynriew.
Ka jingwan jong ka VPP ban iakynduh ia u Vice Chancellor ka dei ruh halor ka jingthung ia u retired Professor ha Skul bah jong ka NEHU ha Tura bad kumjuh ka jingthung ia u Ex Army ba la shongthait kum u controller examination ban kyntiew kyrdan ia u sha ka kam Registrar u la iaid lait ia kane ka kam.
Ka jingmad ki khynnah pule kane ka skul bah NEHU ka dei ruh ka jingbymlah jong u ban pyniaid ia ka administration ha kane ka skul bah. Na ka liang ka VPP kan ym shong kli kti haba ia dei bad kane ka bynta bad ka ai por ia u ban pynbeit ia kine ki kynrum kynram baroh ha kane skul bah lym kumta yn hap ban mih noh syndon na kane ka skul bah lada um lah ban pyniaid ia kane ka skul bah kum u Vice Chancellor.