U Myntri Rangbah ka Jylla Meghalaya u Conrad K Sangma ha ka sngi palei , u la plie paidbah ïa ka Sub-Station kaba la shna thymmai 33/11KV, 2X2.5 MVA Rerapara (Damalgre) ha Rerapara ha South West Garo Hills ha ka jingïadon lang u Myntri i/c Power, u Abu Taher Mondal, ki MLA Subir U Marak, u Sanjay A Sangma bad kiwei kiwei.Kane ka projek kaba la bei tyngka da ka Asian Development Bank (ADB) kan pynthikna ia ka jingpynpoi bording kaba skhem ha Damalgre bad ki shnong ba marjan jong ka. Ia kane ka projek la shna ha ka jinglut kaba Rs. 6.19 Klur . Haba aiti ia kane ka projek sha ki paidbah, u myntri rangbah u la ong ba ka jingdon ia kane ka sub-station kan ai ia ka jingpynbiang bording kaba skhem bad, ha ka bynta kaba khraw, kan pynduna ia ka jingthut bording. “Ka jingpynbha ïa ka jingpynbiang bording kan pynlah ïa ka jinglong kaba biang ban pynkhih ïa ki kam khaii pateng ha ka thaiñ, kynthup ïa ka jingseng ïa ki jaka pynmih marbam, da kaba thaw ïa ki kam ha ka thaiñ, kaba ha kaba kut kan kyntiew ïa ka ïoh ka kot ha ki nongkyndong,” bynrap biang u myntri rangbah. U myntri ka tnad bording u Abu Taheer Mondal u la ong ba kane ka projek kan pynbha ia ka jingduhnong jong ka Aggregate Technical & Commercial (AT&C) bad kan pynkhlain ia ka rukom sam bording. Kane ka sub-station kaba thymmai la pynbiang da ki 2 (ar) tylli ki nombar thymmai ki 2.5MVA power transformer, ki ban pyndap ia ka jingkit jong ka Damalgre bad ki jaka ba marjan, 1 (kawei) ka Control Room bad 1 (kawei) ka Staff Barrack.Ha shwa ban charge ia ka 33/11 KV sub-station kaba thymmai ha Rerapara, ia ka bor ding sha ki jaka kum ka Damalgre, Melim, Dengnakpara, Okkapara, Grenggandi, Rongbakgre bad kiwei kiwei ki jaka ba marjan la pynbiang na ka 33/11 KV sub-station kaba don ha Gongglanggre . hajan ka Garobadha. Namar ka jingjrong bad kaba tang kawei ka circuit 11 KV line, ka jingpynthut ia ka bording ka la ju jia man ka por.Ka jingpyntreikam ia ka 33/11 KV substation kaba thymmai ha Rerapara kan pynbha ia ka jingpynbiang bording bad kan pynduna shibun ia ki jingthut.