Ka West Jaiñtia District Sports Association (WJDSA) Jowai shen kan sa sdang noh ïa ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, ïa kane ka lympung yn pynglong ha madan Kiang Nangbah Stadium, Jowai.
Ha kane ka lympung kila don haduh 12 tylli ki kynhun ïalehkai napoh ka District ki ban ïashim bynta da kaba pynbynta ha ki 2 tylli ki Pool.
Ha ka Pool A ki long ka Chutwakhu, Khimusniang, Dulong SC, Sohmynting, Nangbah Iawmusiang, Sabamuswang..
Ha ka Pool B: Mooknor Thadmuthlong, Mynthong, Moosalyngkat, Mookyndur, Mukhla Evergreen bad ka Khliehïongriang.
La pyntip lashai ka sngi 4.10.2024 yn sdang ka jingïakhun (Opening Match) hapdeng ka Chutwakhu pyrshah ïa ka Khimusniang haka por 2 shiteng nohphai sngi.