Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 4 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Wapungskur SSWO kala pynliem da 3-1 kol ïa ka Ryntihlang SC Brichyrnot, ïa ki kol na ka Wapungskur SSWO la thep da u Wallam Siangshai haka minit ba 14, u Langki Suchiang haka minit ba 55 bad u Pynshlurmi Siangshai haka minit ba 74. Ïa ka shikol na ka Ryntihlang SC Brichyrnot la thep Wanki Muksor ha ka minit ba 5.
Ha ka jingïakhun kaba ar ka Ratacherra CSC kala pynliem da 7-0 kol ïa ka Umtyra YWSC, ïa kitei ki kol na ka Ratacherra CSC la thep da u Gradely Mylliem haduh lai kol (hattrick) haka minit ba 12, 30 & 67, u Lutmon Pohshna haka minit ba 19, Heibormi Pohshna haka minit ba 33, u Misaial Bareh haka minit ba 75 bad u Brightstar Pyngrope haka minit ba 80.
Katba ha ka jingïakhun kaba lai ka Moopyniein SCSO kala pynpynliem da 1-0 kol ïa ka Khliehriat East YWSC, ïa katei ka shikol na ka Moopyniein SCSO la kum thep bakla da u Felix Rymbai (Own Goal) ha ka minit ba 80+3.
La pyntip kine ki lai tylli ki kynhun kiba jop mynta ka sngi kila ïoh ban rung sha ka jingïakhun ‘Quarter Final’ jong kane ka lympung 3rd Division EJHDFA.
