Ka lympung ïalehkai phutbol kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi Saitjaiñ ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Sohmynting SC kala pynliem da 2-0 kol ïa ka Dulong FC, ïa kitei ki kol na ka Sohmynting SC la thep da u Chirup Suting ha ka minit ba 4 & 58.
Ha ka jingïakhun kaba ar kaba la long hapdeng Nangbah Iawmusiang SC pyrshah ïa ka Sabahmuswang SC kila poi sha ka jingïakhaid da mar 2-2 kol, ïa ki kol naka Nangbah Iawmusiang SC la thep da u Joplangki Challam haka minit ba 64 bad u Miker Pyrtuh ha ka minit ba 66. Katba na ka liang ka Sabahmuswang SC la thep da u Dameshwa Dkhar haka minit ba 44 bad u Kemich Shylla ha ka minit ba 85.