Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 5 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Tuber kmaishnong CSC kala jop da 4-3 kol ïaka Nongthymme SC ha ka jingïashut Tie Breaker.
Katba ha ka jingïakhun kaba ar hadien ka jingïakhaid kaba mar shikol (1-1) hapdeng ka Wapung shnong SC bad ka 1-1 Evergreen SC Ladwahwapung, la rai ban pynïakhun noh da ka jingïashut Tie Breaker ha kaba ka Wapungshnong SC kala jop da 3-1 kol.
La pyntip kine ki ar tylli ki kynhun kiba la jop mynta ka sngi kila ïoh ban rung sha ka jingïakhun ‘Quarter Final’ jong kane ka lympung 3rd Division EJHDFA.