U spokesperson jong ka VPP u Bah Batskhem Myrboh u la pyntip paidbah mynta ka sngi ka 5 tarik risaw halor ka jingpynlong ia ka hearing jong ka reservation policy.
Haba kren sha ki lad pathai khubor u la pynpaw ba dei ban pynthymmai noh bad dei ban bhah katkum ka jingbun paid ha ka jylla.
Lada ngi pule ia ka job reservation policy 1972 katkum ka paragraph one dei ban bhah katkum ka jingbun paid ha ka jylla ia ka bhah thung kam.
Shuh shuh u la ong ba ia ka job reservation policy lada ngim peit na ka jingbun paid ngin ia peit na ka jingphohsniew, lada ka jingbun paid kam don ha ka job reservation policy ka mut ngam lah ban sngewthuh ia ka rukom pyrkhat jong ki. Lada ngi shna ia kine ki policy ka jingbunbriew ka dei kaba donkam bha.
Ha India jong ngi ki schedule tribe ki kham sah dien bha ban ia ki other backedward class OBC,
Wat la ngi sah dien ruh ka India jong ngi kam lah ban ai ia ka bhah thung kam ba bun ban ia other backedward class,namar ka ST population ka khamrit. Lada ngi ong ba kita ki briew kiba kham sahdien ki dei ban ioh bun ia ka bhah thung kam ban ia ki Khasi namar ki la kham kiew kam don nongrim ei ei ruh em.