Ka Khasi Students’ Union (KSU) Namdong Area Unit mynta ka sngi Saitjaiñ 5 tarik u Risaw kala pynkup burom ïa ki samla pule ka thaiñ kiba pass bha haki kyrdan bapher bapher jong u snem 2024.
Ha kane ka sngi la ïa wan ban sakhi lang da u Waheh Shnong jong ka thaiñ ma D.S. War, ïa kane jingïalang pynkup burom la pynïaid da u President ka Namdong Area Unit Samla Kitboklang Lamare.
Kiba ïadon lang ha kane ka sngi ki kynthup naduh u President ka Nartiang Circle Samla Chanbor War, Samla Leonard Dhar Office Secretary WJHDU, Samla Ewanmi Phawa Organizing Secretary WJHDU, Waheh Shnong ka Namdong B ma DS War, bad kiwei kiwei de.
U Samla Laitphar Syngkrem President KSU West Jaiñtia Hills District Unit ula long kum u kongsan, Haba ai jingkren u la ong ha ka Jaid bynriew Khasi jong ngi ka dang duna kiba bat ïaka lakam shynshar hapoh ka jylla ka jong ngi khamtam eh haki kyndan baheh kum ki IPS, IAS la bun ba bat daki bar jylla.
Kumta ka KSU ka shim ïaka sienjam ban ai khusnam sha ki samla pule ka bri Hynñiewtrep Kum ka jing pynshlur bad ai mynsiem ba kin ïaleh shitom bad ban poi sha khmat.
U la kyntu ïa ki samla ba kin dang ïai ïaleh tyngeh shuh shuh ban minot thop khnang ba kin poi sha ki kyrdan ba kham shalor bad ula ong ruh ka burom ka akor ngi hap ban sdang nala ïing, lada ngi don ka kyrdan katno katno ruh lada ka burom akor kam don ka long lehnoh ei.
Kane ka long kat ki kum ka kyrwoh khubor bala phah na u samla Heibormi Lamare Education Secretary Namdong Area Unit.
