Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long mynta ka sngi 7 tarik u ha madan Kiang Nangbah Stadium Dongmihsngi, Jowai.
Haba phai sha ka jingïakhun Semi Final ba nyngkong ka kynhun ïalehkai jong ka Nangbah Dukhu kala pynliem da 2-1 kol ïa ka Panaliar. Ïa kitei ki kol na ka Nangbah Dukhu la thep da u Shanlang Thubru haka minit ba 72 bad u Thuara Nampui ha ka minit ba 74. Katba ïa ka shikol na ka Panaliar la thep da u Sam o wan Sumer haka minit ba 80+7.
Lyngba kane ka jingjop jong ka Nangbah Dukhu kala buh jaka ïalade haka Final jong kane ka lympung mynta u snem.
Katba ka jingïakhun Semi Final kaba ar lashai ka sngi 8.10.2024 kan long hapdeng ka Lion S.Y.A pyrshah ïaka Lumbhahdakha haka por 2 baje noh phai sngi.