Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association (EJHDFA) kaba la long mynta ka sngi 7 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Dkhiah West SC kala pynliem da 1-0 kol ïa ka Suchen Mulieh YWSC, ïa katei ka kol na ka Dkhiah West SC la thep da u Synran langmiki Phawa haka minit ba 80+2.
Ha ka jingïakhun kaba ar ka Lumshnong YWSC kala pynliem da 2-1 kol ïa ka Moolang SC, ïa ki kol na ka Lumshnong YWSC la thep da u Demi Khonglah ha ka minit ba 16 bad u Shkemborlang Rupai haka minit ba 40+1. Ïa ka kol na ka Moolang SC la thep da u Refine Dkhar ha ka minit ba 80+4.
Katba ha ka jingïakhun kaba lai kaba la long hapdeng ka Musniang Rim SC pyrshah ïaka Lakadong Ummat SCC haduh ka por bala buh kila ïakhaid da mar shikol (1-1). Kumta la hap ban pynïakhun noh da ka jingïashut Tie Breaker ha kaba ka Lakadong Ummat kala jop da 2-0 kol ïa ka Musniang Rim SC.
La pyntip kine ki kynhun kiba la jop mynta ka sngi kila ïoh ban rung sha ka jingïakhun ‘Quarter Final’ jong kane ka lympung 3rd Division EJHDFA.