Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 9 tarik u Risaw ha madan Kiang Nangbah Stadium, Jowai.
Haba phai sha ka jingïakhun ba nyngkong jong kane ka lympung kaba la long hapdeng ka Mooknor Thadmuthlong bad ka Mynthong kila poi sha ka jingïakhaid da mar shikol (1-1), ïa ka kol na ka Mooknor Thadmuthlong la thep da u Ioh i Dhar haka minit ba 13. Katba na ka Mynthong la thep da u Riketto Dkhar haka minit ba 31.
Ha ka jingïakhun kaba ar ka Mookyndur kala pynliem da 2-1 kol ïa ka Moosalyngkat, ïa ki kol na ka Mookyndur la thep da u Bandaplang Pariat haka minit ba 19 bad u Carefulme Suting haka minit ba 36. Na ka bynta ka shikol na ka Moosalyngkat la thep da u Riki Phawa haka minit ba 80.