Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 9 tarik u Risaw ha madan EJDSA Artificial Turf, Diengshynrum, Khliehriat.
Haba phai sha ka jingïakhun Quarter Final ba nyngkong mynta ka sngi hapdeng ka kynhun ïalehkai jong ka Wapung skur SSWO bad ka Moopyniein SCSO kila poi sha ka jingïakhaid khlem don kiba ïoh ban thep kol (0-0), na ka liang ki bor pynïaid jong ka jingïakhun kila hap ban pynïakhun da ka jingïashut Tie Breaker ha kaba ka Moopyniein SCSO kala jop da 4-3 kol.
Katba ha ka jingïakhun kaba ar ka Tuber kmaishnong CSC kala pynliem da 3-0 kol ïa ka Ratacherra CSC, ïa kitei ki kol na ka Tuber kmaishnong la thep da u Phrangki Phawa haka minit ba 53, u Wansalan Kyndait haka minit ba 74 bad u Arnes Ryngkhlem haka minit ba 79.
La pyntip kine ki ar tylli ki kynhun kiba jop mynta ka sngi kila ïoh ban rung sha ka jingïakhun Semi Final jong kane ka lympung 3rd Division EJHDFA.