Ban lait na ka jingsahkut kali da ki bun kynta ha ki bynta jong ka Wahmynsoo bad Mookyndur West Jaiñtia Hills, khamtam haka por ba sahkut bad kyllon ki kali heh ha kitei ki jaka.
Na ka liang ka tnad pulit ba pynïaid kali, kila kyntu jur ïa ki kali rit (Light Motor Vehicle) ba kin nym ïatur palat (overtaking) katba ka jingpynïaid suki suki ïa ki kali ka dang ïai shakhmat.
La pyntip ruh da ka ophis u Superintendent of Police ka WJHD na ka por sha ka por ka shait mih ka jingdheng kali kala jur bha, tang na ka daw ka jingtur palat ki kali rit kaba la wanrah ruh ïa ka jingsahkut ïa kito kiba donkam ban wad jingsumar (emergency).
Halor kane u Superintendent of Police, ka West Jaiñtia Hills District ula kyntu ïa baroh ki kali ban kin ïaid da u laiñ bad long kiba kohnguh, khnang ba ki pulit kin kloi ban pynlait ïa kano kano ka jingsahkut kali haka por ba biang.
La pyntip kino kino kiba leh tam bad kiba ïaid laid ïa kane ka jingkyntu (hukum) haka por ba sahkut kali ha u surok NH-6 ki lah ban shah pynshitom katkum ki kyndon.
***********************