U Myntri Rangbah ka Jylla, Conrad K Sangma, haba bteng ïa ka jingleit jngoh jong u ha ka sngi kaba ar sha ki jaka ba shah ktah ha ka jingshlei um ha Garo Hills mynta ka sngi u la leit jngoh pat ïa ka Chokpot Civil Sub Division ha South Garo Hills. U Myntri Rangbah rangbah ka jylla u la leit jngoh ia ka Reni Badimagre, ha kaba la jurip ia kawei ka jingkieng ba la pyndait halor ka wah Dareng kaba pyniasoh ia ka Reni Badimagre bad ka Bibragre. Kane ka jingkieng ka la twa namar ka jingshlei um. Hynrei ym don kano kano ka jingbun briew kaba shah ktah ha ka jingshlei um ha ka Shnong Reni Badimagre.
Ka Skul Mt Carmel hajan ïew Chokpot ka la shah ktah ha ka jingshlei um ha kaba watla ka jingtei kam shym la shah pynjulor hynrei ki tiar kum ki kot ki sla, ki tiar bad kiwei kiwei ki shah pynjulor. U Myntri Rangbah u la leit jngoh ruh ia ki ïing kiba la shah pynjulor ha Bibragre, Chokpot. Baroh 20 tylli ki longïing kiba la shah ktah ha ka jingshlei um bad 9 tylli ki ïing kiba la shah pynjulor.
La sam G.R sha baroh ki 20 tylli ki longïing kiba shah ktah. Baroh 38 tylli kiba la shah ktah bad 24 tylli ki ïing kiba la shah pynjulor. G.R la pynbiang sha baroh ki longïing kiba shah ktah. La ïakynduh bad ki briew jong ki artylli ki shnong ba shah ktah ha ka jingshlei um kata ka Gonganggre bad ka Danggilgre. Baroh ar kine ki shnong ki don 27 tylli ki HH kiba la shah ktah katba 10 tylli ki ïing kiba la shah pynjulor. U la leit jngoh ruh ia ki ïing kiba la shah pynjulor ha ka shnong Daramgre. Baroh 7 tylli kiba la shah ktah bad 3 tylli ki ïing kiba la shah pynjulor. La leit jngoh ruh ia ka madan ialehkai Daramgre kaba la shah ktah ha ka jingtwa khyndew namar ka jingshlei um.
U Myntri Rangbah u la kular ban pynkhuid ia ka sboh da ka jingiarap jong ka tnad PWD. Nalor kata, la leit jngoh ia ki nongshong shnong ba shah ktah ha ka shnong Rongrikkimgre bad jurip ia ka jingkieng suspension ba la shah rong noh ha ka um halor ka wah Dareng kaba pyniasoh ia ka shnong Rongrikkimgre bad ka shnong Dikronggre. Ia kane ka jingkieng Suspension la shna da ka tnat BADO bun bun snem mynshwa.
