Mynta ka sngi 10 tarik ka Hospital Sanker, Mawroh, Shillong kala rakhe ia ka World Mental Health Day 2024, ha ka ba ka kynhun jong ki samla pule 2nd Year Nurses (GNM) jong ka Vatsalya Institute of Nursing & Paramedical Science, Nongrah Dongktieh, kila wan ban ai ka jinghikai pynsngewthuh (Awareness) halor ka jingktah jong ka jingpang jingmut jingpyrkhat (Mental Health).
Ha kane ka sngi kila don kumba 36 ngut ki samla pule na katei ka jaka pule kila wan ban ai ka jingpynsngewthuh sha ki nongpang bad kumjuh ruh sha ki briew kiba wan ban shim dawai lem bad kiba haïing hasem jong ki, hapoh Sanker.
Na ka liang kine ki samla kila ai jingkren kawei hadien kawei. Kila iathuh ia ki daw ba pynlong ia kane ka jingpang jingmut jingpyrkhat bad kumno ban thaw ki lad ki lynti ban pynkoit pat ia kiba ioh ia kane ka jingpang, kaba ktah ia kiba bun ki briew ha kine ki por.
Na ka liang jong ki riew paidbah kila iashim bynta lang haba shahshkor bad jubab ia ki jingkylli bala buh da kine ki samla pule.
