Ki dkhot jong ka National Yoga Sana Sport Federation (NYSSF) mynta sngi ka 10 tarik Risaw ki la wan pyntip paidbah sha ki lad pathai khubor ha shillong Press club ban pynlong ia ka State Yoga Championship.
Hab kren ha kane ka sngi na ka liang u President jong kane yoga sana sport federation u Bah Daniel Dunai u la pyntip paidbah ba kan don ka Yoga competition ha ka 14 tarik Risaw 2024 ha Bharat Scout & Guide Auditorium Shillong naduh ka por 7 baje mynstep.
Shuh shuh na ka liang u President u ai khublei ruh ia ka sorkar naduh u Chief Minister u Conrad Sangma, u sport minister bah Shakliar Warjri, ka ophis jong ka Directorate of sport & youth affairs, Meghalaya State Olympic Association kiba la ai jingithuh ia kane ka federation jong bad kiba kloi ban don ryngkat bad ngi ban pynlong ia kane ka jingialehkai state yoga ha ka 14 tarik ha ka por 7 baje mynstep.
Kumta na ka liang jong ki nongpyniaid, ki khot ki wer ia baroh ki paidbah kylleng ka ri Khasi Jaintia ba kin iashim bynta ha kane ka jingialehkai state yoga championship.
Ka jingpynlong ia kane ka jingialehkai ka long ruh kum shi bynta ban jied ia ki nongialehkai ba tbit sha ki lympung ialehkai National Level.