Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 12 tarik u Risaw ha madan Kiang Nangbah Stadium, Jowai.
Haba phai sha ka jingïakhun ba nyngkong jong kane ka lympung mynta ka sngi ka kynhun ïalehkai jong ka Sohmynting kala pynliem da 3-1 kol ïa ka Khimusniang, ïa ki kol na ka Sohmynting la thep da u Meker Suting haka minit ba 8, u Lastborn Suting haka minit ba 24 bad u Damang i Pyrtuh haka minit ba 77. Ïa ka shikol na ka Khimusniang la thep da u Jeffrey Litting haka minit ba 45+3.
Katba ha ka jingïakhun kaba ar ka Nangbah Iawmusiang kala pynliem da 3-2 kol ïa ka Dulong, ïa kitei ki kol na ka Nangbah Iawmusiang la thep da u Worldrick Susngi haka minit ba 58 & 60 bad u Shanhok Siangshai 62. Ïa ki kol na ka Dulong la thep da u Sahame Lyngdoh haka minit ba 21 bad u Tiros Kyndait haka minit ba 75.