Ki Nongpyniaid jong ka team chiïung kiba pyniad ia ka lucky draw ki la wan pynshai paidbah mynta ka sngi ka 12 tarik Risaw lyngba ki lad pathai khubor ha Shillong Press Club haba iadei bad ka lucky draw First Prize ba la dep long ha ka 28 tarik Nailur.
Haba kren ha kane ka sngi na ka liang u President jong ka team chiïung u Samla Kynpham Lamurong u la ong ba hadien ka jingwan phla jong arngut ki khynnah kiba leh tuh ia ka lucky draw jong ka team chiïung lyngba ki lad pathai khubor na ka liang jong ngi ruh ngi wan pynshai paidbah namar ka jingshah kynthoh bad jing shah kynnoh jong ka team chiïung na ka liang ki paidbah ki kylli kumno u to u khynnah u ioh ia kato ka ticket namar ka jingbun jong ki paidbah ha kato kato ka sngi ba pynleh ia lucky draw na ka liang jong ka team chiïung ngim banse ban ai ha ki paidbah ban iarap khylliap ia ki ticket bad lehse ha ka jingsuba jong ngi lah ban dei ha kato ka por ba kito ki khynnah ki shim kabu ha ka por ba khylliap ia ki ticket ban pynleh ia ka lucky draw.
Ha ka jingphla jong uto u khynnah u buh ia ka ticket ha ki sla kjat bad ha kato ka miet u rung beit da ka khlieh namar ha kato ka por la iohi ia ka ticket ba ka jhieh bad lehse ioh dei ka jinglong ka mariang ne u buh da ki maw. Kane ka dei ka jingpynshai jong ngi na ka team chiïung bad ngi khlem pynsangeh ha kato ka por ba lap bad kaei kaba pynlong ia ngi ha kato ka por ka dei ba ngim lah ban bishar ha kato ka sngi, donbok ba ngi leh da ka live video bad ynda ngi la bishar bniah ngi suba bad ngi leit sha Police Station ban tohkit bad wad ia ka jingshisha bad da ka jingtrei shitom jong ki pulit ngi la lap ia ki jingshisha. Ka dei shisha ba uto u khynnah u leh tuh bad ngi ai khublei ia ki Pulit bad ia ki bahaing bahasem kiba kyrshan ia ngi ban lap ia ka jingshisha.
Shuh shuh u la ong “Na ka liang ka team chiïung ngi dom ia uto u khynnah bad ka long ruh ka jingpynjah burom ia ngi namar bun kiba la kynnoh bad kynthoh bad ka la ktah ia ka kam ka jam jong ngi. Ngi sngewkmen ba ngi la lap ia ka jingshisha bad lada ngi kwah ban leh tuh ban leh thok balei ngin leit sha ki Police Station ban phah iarap ia ki ban wad ia ka jingshisha ngi lah ban shu sngap beit ha kato ka miet namar ngim kwah ba ia kato ka prize ba jop kan leit sha uba lehtuh, ka prize ka dei jong u paidbah ka dei ban iaid sha u paidbah sha uto uba don ka bok ka nusip shisha, bad na kane ka daw ngi hap ban leit sha ka aiñ ban tip ia ka jingshisha bad ngi la ioh ia ka jingshisha”.
Hadien ka jingphla paidbah jong kito ki arngut na ka liang ka team chiïung ki pynpaw ba ki shniah ha u Blei namar ngi dei tang ki briew bad ngin shaniah ha ka aiñ kaei kaba aiñ kan leh hadien ba la lap ia ka jingshisha.
Ngi jied ia ki khynnah ban shim ia ki ticket naduh ka consolation ka dei beit ba ngi shu jied kumto ngim don kano kano ka jingsuba bad ynda ka por ba ngi khot ia uwei na ki khynnah ka jingsuba ka long ba u la long kloi ban shim ia kato ka ticket ngim don jingsuba namar ba la phah ki paidbah namar ba nym dier ka por bad ngi pdiang beit namar u khynnah uba khuid ngi la phah rah ki kti um don ei ei ngim poi pyrkhat ba dang katto ka rta la long kaba shyrkhei. Na ka liang ka team chiïung ngim don bynta ei ei bad kito ki khynnah kiba leh tuh ngim ithuh ia ki ruh namar ngi shu jied ia ki ban shim ia ki ticket ban pyni sha ki paidbah ha ka luck draw bad na ka liang jong ngi ka team chiïung ngi la weng noh ia ka FIR ban iaid shakhamt.
Ha ka ba khatduh na ka liang ka team chiïung kan thoh sha ki bor bahalor ban pynlong biang ia kane ka first prize jong ka lucky draw chiïung namar kane ka dei jong u paidbah bad kan leit sha u paidbah.
