Umran : Ka ophis Deputy Commisioner jong ka Ri-Bhoi District ryngkat bad ka ophis u Commandant ka 6th Battalion Head Quarter, Umran ki la pynkup burom ia ki lai ngut ki briew jong ka Health and Hygiene Committee ka 6th Battalion ki ba don bynta ha ka jingiakhun pyrshah ia ka jingpang khlam Covid-19 na ka bynta ki Pulit.
Ia kane ka jingpynkup burom la pynlong mynta ka sngi ha Battalion Head Quarter, Umran ha ka jingiadon ryngkat u bah Lakador Syiem, MPS Commandant bad kiwei de ki ‘riew rangbah. Kiba la shah pynkup burom ki kynthup ia u Shri. Shatragun Thakur (Armed Branch Assistant Sub Inspectors) u ba la shongthait na ka kam, u bah Dahunmi Ryngkhlem (Pharmacist), u BNC Selbin K Sangma (Nursing Assistant) bad la sam ia ki certificate da i kong R. M Kurbah, IAS, Deputy Commisioner Ri-Bhoi District.
