Ki dkhot jong ka Federation of Khasi Jaiñtia & Garo People FKJGP East Khasi Hills District Unit mynta ka sngi ka 14 tarik Risaw ki la wan ia kynduh ia u Member Secretary ka Meghalaya State Pollution Control Board halor ka jingthmu jong kawei ka Company Meghalaya Top Cement Pvt ltd ban pynlong ia ka Public Hearing ha ka 18 tarik Risaw 2024 ha Wahiajer.
Haba kren ha kane ka sngi na ka liang u President jong ka FKJGP East Jaiñtia Hills District Unit u Bah Deihok Sumer u la ong ba ka jingwan kynduh jong ngi ia u Member Secretary ka Meghalaya Pollution Control Board ngi dap da ka jingsngewkhia, ka jingwan jong kine ki kharkhana dewbilat ka ba byllai bha hapoh ka District jong ngi namar ka jingwan jong kine ki karkhana dewbilat ka wanrah ia shibun ki jingma ha lyndet, ngi iohi ka lyer ka la jakhlia. Ki nongshong shnong kane ka thiañ ki kynduh ia ki jingeh ha ka liang ki umbam umdih na ka jingdon jong kine ki kharkhana ka long ka jingpynjot kaba khraw.
Shuh shuh u la ong lada ngi phai sha ki nongshong shnong kiba ju ia trei ha u dewiong ka National Green Tribunal ka shim khia bha haba ia dei bad u dewiong. Hynrei sngewsih pat ba ka Sorkar ia kine ki karkhana dewbilat ka pynshlur na ka por sha ka por bad kane ka jingpynshlur ka sorkar ka long kaei re kaei kaba don sha lyndet. Ka jingwan tuid kine ki karkhana dewbilat sha ki thaiñ jong ngi sha Elaka Narpuh ngi pyrshah jur ia kane bad ngi khmih lynti ruh na ka liang ki paid nongshong shnong ban kyndit briew noh ban pyrshah jur ia kane ka Public Hearing kaba long ha ka 18 tarik mynta u bnai.