U Member Secretary ka Meghalaya Pollution Control Board u la pynshai sha ki lad pathai khubor ha ka 14 tarik Risaw haba iadei bad ka public hearing jong ka Megha top cement Pvt Ltd.
Na ka liang u Dr G.H Chyrmang u la ong ngi wanrah ia ka pyntip paidbah lane ka public hearing ka ban sa long ha ka 18 tarik Risaw mynta u bnai u pynpaw ba u sngewkmen shibun ia ka FKJGP East Jaintia Hills ba ngi ioh ban pynshai ha kaba iadei bad kane ka public hearing kum kane ka case mynta ka Megha top ka la apply ia ka Environmental clearance kane ka project ka hap ha ka category A ka mut ka hap hapoh ka Ministry of Environment & Forest bad ka dei ka kamram jong ka Pollution ban pyniaid ia ka public hearing ryngkat ka jingtrei lang bad ka ophis Deputy Commissioner East Jaintia Hills.
Katkum ki kyndon aiñ ngi la buh thik ban peit, la pyntip sha ki bor District ban pynlong ia kane ka public hearing la 18 tarik. Shuh shuh u la ong ba don ba sngewthuh bakla mar sien ai jingthoh kin ai noh ia ka consent to operate ne ka consent to establish namar khlem ka environment clearance ym lah ban ai ka Consent to operate ne consent to establish namar kane ka hap ha ka Ministry of Environment & Forest bad ngim don bynta eiei ban pynksan ne pynduh jingkyrmen ia ki nong appply.
“Ka kamram jong ngi ka dei ban pyniaid ia ka public hearing kino kino kiba ai da ka jingthoh ngi hap ban buh bad kiba ai da ka jingkren ngi hap ban record bad kiei kiei ki iaid ha kato ka por ngi ring video bad ngi hap ban lum bad phah sha ka Minister of Environment & Forest bad ngi hap pyndep ia kine baroh hapoh 45 sngi bad ka rai ba khatduh ka dei na ka Ministry of Environment & Forest”.
Ha ka jingkren ba khatduh u la ong lada wan ka court order ngim lah bad ka ophis u Deputy Commissioner ka don ia ka bor ban pynsangeh lane postponed noh ia ka Public hearing lada wan ka jinglynshop mariang lada um don ei ei ngi hap iaid beit shakhmat ban pynlong ia ka public hearing.