Lahduh ka Dkhiah West SC haka 3rd Division. Ka Musniang SC haka 2nd Division

Ka East Jaiñtia Hills District Football Association (EJHDFA) mynta ka sngi 16 tarik u Risaw 2024 kala pynhap pyrda ïa ar tylli ki lympung ïalehkai phutbol phainal haka kyrdan 3^rd Division bad ka 2^nd Division, ha ka jingïakhun bala pynlong ha madan Artificial Turf, Diengshynrum, Khliehriat.

Haba phai sha ka jingïakhun phainal ba nyngkong jong ka kyrdan “3^rd Division” ka kynhun ïalehkai jong ka Dkhiah West SC kala jop da shikol 1-0 ïaka Lumshnong YWSC, ïa katei ka shikol la thep da u Nevermind Kya haka minit kaba 34 bad pynlong syndon ïa ka Dkhiah West SC ban long kum ka lahduh.

Haba phai sha ka jingïakhun phainal jong ka kyrdan “2^nd Division” ka kynhun ïalehkai jong ka Musniang SC kala pynliem da 3-1 kol ïaka Sutnga Mission SSCC, ïa ki kol na ka Musniang SC la thep da u Mardi Rymbai haka minit ba 23 & 69 bad u Fourki Rymbai haka minit ba 74. Katba ïa ka shikol na ka Sutnga Mission SSCC la thep da u Interest Pajuh haka minit ba 32.

Ïa ka phainal jong kine ki ar tylli ki kyrdan la wan pynhap pyrda da u ma Rudion Roland Kyndait kum u kongsan bad u ma Daiapher Lamare kum u symbud kongsan ha ryngkat ka jingdonlang ki Waheh Shnong jong ki shnong bapher hapoh District, ki riew paw khmat ka District bad ki nongkitkam na ki Club/Association bad ki Dkhot jong ka Association.

Ha ka 3rd Division ïa ka nam Player of the Match la ïoh rah da u Justin Niang na ka Lumshnong YWSC, Player of the Tournament la ïoh da u Coming Dkhar na ka Tuberkmai Shnong, ïa ka nam Goalkeeper of the Tournament la ïoh da u Wadphang Phawa na ka Dkhiah West SC. Ïa ka nam Top Scorer la ïoh da u Gradely Mylliem naka Ratacherra CSC uba la ïoh thep haduh 10 kol. Katba ïa ka nam Best team la ïoh da ka Khliehriat East YWSC.

Ha ka 2^nd Division ïa ka nam Player of the Match la ïoh da u Mardi Rymbai na ka Musniang SC, Player of the Tournament la ïoh da u Heimonmi Dkhar naka Musniang SC, Goalkeeper of the Tournament la ïoh da u Commander Bareh naka Lad Rymbai Dongwah SC, Top Scorer la ïoh da u Obadaia Bareh uba la thep 6 kol. Katba ïa ka nam Best team la ïoh da ka Musniang SC.