U ma H Britainwar Dan, MLA barim ka Nartiang Constituency u la khlad noh na kane ka sla pyrthei ha ka step 16 tarik October 2024 ha ïingsah jong u ha Dulong, Jowai, hadien ka jingshitom kaba la neh tang katto katne bnai.
U Ma H.B. Dan, u la ju long teng kum u MLA ka Nartiang Constituency 3 sien ha ki snem 1978 (Minister of State) 1988 bad 1998 (Cabinet Minister) da kaba bat ruh ia ki Department bapher ba pher jong ka sorkar Meghalaya. U la ju bat ruh kum u Leader of Opposition jong ka Meghalaya State Assembly.
U la julong ruh kum u MDC 2 term bad u la ju bat ruh ia ka kyrdan CEM jong ka JHADC 3 sien. U long u Tymmen Basan jong ka Balang Presbyterian Nongjngi.
U la ieh noh shadien ia ka lok, 7 ngut ki khun (4 shynrang bad 3 kynthei) bad ia ki 19 ngut ki khun ksiew. Ka jingkhlad noh jong une u rangbah ka long ka jingduh kaba khraw ia ka ïing ka sem, ki kur ki jait, ki kha ki man, ki lok ki jor, ka Balang bad ka shnong ka thaw.
Ka sngi leit on tep bad ban pyndep ia ka niam ka rukom kan long ha ka 18th October 2024 ha u lum jingtep jong ka Balang Jowai Presbyterian Jowai.