Ka Federation of Khasi Jaintia and Garo People (FKJGP), West Jaintia Hills District, mynta ka sngi kala ioh ban pynkha sa ka wei ka shnat trei kam pura ha ka shnong Namdong ka ban tip kum ka FKJGP Namdong Circle.
Ha shwa ban pynskhem ia ki nongkitkam kane ka circle ka don ka jingialang kaba lyngkot, ka ba la pyniaid da u Asst. Secretary ka West Jaintia u Nangkhraw Rani, la ioh ia ka jingkren pdiang burom na u Secretary ka West Jaintia u M. Kynti Marboh bad la pynshai ia ki mat trei kam jong ka seng bad ka sneng kyntu da u D.S. War President FKJGP, West Jaintia Hills District bad u la shim ia ka bynta ban pynskhem bad pyntian smai ia ki nongkitkam jong ka Namdong Circle.
Hakane ka sngi la iadon lang u Phrangki Kyndait, Organising Secretary Thadlaskein Circle, Arwot Myria FKJGP Nartiang Area unit.
Ki nongkitkam jong kane ka Namdong Circle ki kynthup ia u President Silverius Susngi, Vice President Mery o Rymbai, Secretary Dawni Rymbai, Asst Secretary Pynkhraw Myrmein, Organising Secretary Chiwit Sariang, Information Secretary Pham Pakma, Asst Information Secretary Damiki Siangshai bad la jied ia ki 13 ngut ban long ki Dkhot ka Executive Committee.
