Hadien ka jinglap ka seng lyngba ka RTI ba dkhoh palat ka jingtreikam ka office Sericulture, mynta ka sngi 16/10/2024 ki nongialam jong ka seng ki la leit ban iakynduh ia u Director ka Sericulture Weaving ban ia tai ban phylliew jingmut halor ka jingthylli ki kam ki ba dang lait ha poh ka tnat Sericulture Department ha West Jaintia Hills.
Na ka liang ka seng ka la ai da ka Dorkhast bad ai jingmut ruh ba dei ban pyndap noh ia ki tei ki kam ba thylli da kiba dei ban ioh hok,ha ka juh ka por ka seng lyngba ka Dorkhast kala ai jingmut ruh ba dei ban thung hi da kito kiba la bit bad kiba lah dep training ha kane ka kam khnang ba kan iaid beit katei ka Department.
Te kumta na ka liang ka seng kala kyrpad ruh ia ka District Selection Committee ba kam dei ban leh arsap haba thung ia uno uno ne kano kano bad ban pynkloi ruh ban thep noh ia kitei ki post ba thylli khnang ban ioh jingmyntoi ki nong shongshnong jong ka ri lum Jaintia hi baroh kawei pynkut ka kyrwoh khubor ba la phah lyngba ka seng HNYF.