U President ka All India Congress committee (AICC), u Mallikarjun Kharge u la mynjur bad pynbna ia ka kyrteng jong u kyrtong ban iakhun ia ka election shiteng samoi kaban long ha Gambegre Meghalaya, kata ia ka kyrteng jong u Jingjang M Marak.
Haba iadei bad ki kyrtong, ka NPP kala pynieng ia ka kurim u Myntri Rangbah ka Jylla ka Mehtab Chandee A Sangma, ka TMC kala pynieng da ka MDC Sadhiarani M Sangma kaba dei ka kurim u MLA barim u Zenith M Sangma bad ka Congress ka lah ban pynieng da u Jingjang M. Marak uba dei u paralok ba iajan bha bad u MP ka Tura Saleng Sangma, katba ka BJP kam pat pynbna kyrteng kyrtong haduh mynta.
Na ka liang ka Election Commission ka la pynbna ia ka tarik ban pynlong ia ka election shiteng samoi ha Gambegre, kata ha ka 13 Tarik Naiwieng bad ka jingñiew vote kan long ha ka 23 Tarik Naiwieng 2024.