Ka jingïalehkai “Inter School Basketball Tournament, 2024″ bala pynïaid da ka ophis u District Sports Officer (DSO) West Jaiñtia Hills District kala poi sha kaba kut mynta ka sngi 18 tarik u Risaw ha Kiang Nangbah Basketball Court, Dongmihsngi Jowai.
Ha ka jingïakhun phainal mynta ka sngi ha ka liang ki kynthei (Girls) ka St. Dominic Higher Secondary School kala jop da 26-17 ïa ka Tome Memorial Secondary School. Katba ha ka liang ki Shynrang (Boys) ka Thomas Jones Higher Secondary School kala jop da 54-40 ïa ka Tome Memorial Higher Secondary School.
Ïa ki khusnam sha ki nongjop la sam da ka kongsan jong kane ka sngi ka kong Pynbeitbha Passah, District Informatics Officer, West Jaiñtia Hills District kaba ju long ruh ka State Player Basketball, ha kane ka sngi la donlang naduh u DSO ma K. Passah, ki nongkitkam ka WJDSA, nalor kiwei de.
