Ki Nonghikai hapoh ka shatri jong ka All Meghalaya SSA School Association hapoh ka jingialam ki Nonghikai SSA hapoh ka shatri ka All Meghalaya SSA School Teachers Association hynne ka sngi ki la byrngem ban tur sha Secretariat namar ka sorkar kam pynsngap ia ka jingdawa jong ki.
Haba kren bad ki Nongthoh khubor u President ka MSSASTA u bah Peter Thyrniang u la iathuh ba hadien ba ki la shong 19 sngi lynter ban dawa naka sorkar ban pynkiew noh ia ka tulop jong ki, hynrei i kumba ka sorkar kam pynsngap eiei. Na ka liang ki Nonghikai ha ka 23 tarik kin wan shaw ia ki para Nonghikai kiba shong ha madan Malki bad leit beit buh ia ki ha secretariat.
Shuh shuh na ka liang kine ki Nongïalam ki khot ia ki para Nonghikai ban wan synran lang ia ki da kaba khang noh ia ki Skul jong ki ha ka 23 tarik Risaw bad kyntu ruh ia ki seng bapher bapher ban wan synran lang.
