Ka jingiakhun hapdeng ka Nongrim Hills Sports and Cultural Club pyrshah ia ka Sawmer Sports and Cultural Club ka la kut noh ha ka jingiakhaid ha ka 19.10.24 , kata da 1-1 kol.
Ia kane ka lympung ba la pyniaid da ka Shillong Sports Association (SSA), la pynkynriah noh sha ka por 5:30 janmiet namar ki katto katne ki daw.
Ka jingiakhun ka long kaba iakhaid bor, bad la sakhi ia ka jingiatynjuh bor kaba itynnad. Ka Sawmer ka la ioh ban pynkhih jar nyngkong lyngba u Diego Khyriem ha ka minit ba 4 katba na ka bynta ka Nongrim Hills la ioh ban thep da u Cannyson Kharnaior ha ka minit ba 74.
Hadien ba kut ka taiew ialehkai ba nyngkong jong kane ka samoi, ka Lajong FC, Ryntih SC, bad Mawlai SC, ki la iakhaid ha ka jingioh poiñ, kata mar 3, katba ka Nongthymmai bad Sawmer ki dang ioh mar 1 poiñ.
Ka jingiakhun kan bteng biang ha ka 23 Tarik Risaw ha kaba ka Laitkor SC kan iakhun pyrshah ia ka Nangkiew Irat SC ha ka por 11:50 ha madan SSA stadium, Polo Shillong.