Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 21 tarik u Risaw ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong hapdeng ka kynhun ïalehkai jong ka Rangad SCSC bad ka Jalyiah UTD SC kila poi sha ka jingïakhaid khlem don kiba ïoh ban thep kol (0-0).
Katba ha ka jingïakhun kaba ar ka Byndihati CSC kala jop da 2-1 kol ïa ka Moolamanoh SC, ïa kitei ki kol na ka Byndihati la thep da u Defence Nongtdu haka minit ba 2 bad u Inikijuh Shylla haka minit ba 5. Ïa ka shikol na ka Moolamanoh SC la thep da u Eriston Dkhar haka minit ba 63.
Ka jingïakhun ha ka sngi nyngkong 23 tarik u Risaw kan long hapdeng ka Pamrakmai SCSC pyrshah ïa ka Iatylli SC Hingaria ha ka por 12 baje mynsngi, katba ka Mukhaialong SCSC kan ïakhun pyrshah ïa ka Shilliang Umshong SC ha ka por 2 shiteng nohphai sngi.