Ka Elaka Lakadong Sport Association (ELSA) ka la bteng biang ban pynlong ia ka tournament kaba la tip kum ka “1st Elaka Lakadong Knockout Football Tournament 2021-22” ha shnong Lama.
Ha ka jingialehkai kaba nyngkong la pynlong mynta ka sngi ha ka por 11:00 AM hapdeng ka Shnong Lad Lakadong FT pyrshah ia ka Lama Shnong Lama FT, ha kaba ka Shnong Lama kala lah ban pynliem ia ka Lad Lakadong da 3-0 kol. Ia ki kol la ioh ban thep da u Shaborlang Rymbai ha ka minit kaba 34, u Ewanmiki Suchen ha ka minit 58 bad u Shaniah Suchen ha ka minit 70+1.
Ha ka jingialehkai kaba ar la pynlong ha ka por 1:00 PM ha kaba la iakhun hapdeng ka Lakadong Umlatdoh SCSC pyrshah ia ka Lion SCC Borghat, ha kaba ka Lakadong Umlatdoh SCSC kala jop da 2-0 kol. Ia ki kol la ioh ban thep da u Comingson Rymbai ha ka minit kaba 19 bad 46.
Kan sa don ka jingialehkai lashai ruh hapdeng ka Shnong Natbor FT pyrshah ia ka Shnong Umlyngsha FT ha ka por 11:00 AM bad ha ka por 1:00 PM ka Lakadong Ummat SCC pyrshah ia ka Lama YSC.
