Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 23 tarik u Risaw ha madan Kiang Nangbah Stadium, Jowai.
Haba phai sha ka jingïakhun mynta ka sngi ka kynhun ïalehkai jong ka Khimusniang kala pynliem da 4-2 kol ïa ka Nangbah Iawmusiang, ïa ki kol na ka Khimusniang la thep da u Deepson Tokbi haka minit ba 15, 57 & 80 bad u Sooki Lanare ha ka minit ba 33. Katba ïa ki kol na ka Nangbah Iawmusiang la thep da u Meker Pyrtuh haka minit ba 45+3 bad u Wallam jingsuk Suting haka minit ba 61.
Ka jingïakhun lashai ka sngi 24 tarik u Risaw kan long hapdeng ka Sabahmuswang pyrshah ïa ka Dulong ha ka por 2 baje nohphai sngi.