Ka programme Raising and Accelerating MSME Performance (RAMP) ka la sdang mynta ka sngi ia ka Executive Course on Electrical Appliances kaba nyngkong, ha kaba la pdiang ia ki 25 ngut kiban ioh iong jinghikai na ka bynta ka Advanced Training kaba 15 sngi ha Bosco Pnar Multipurpose Vocational Training Centre, Jowai.
Kane ka prokram ka thmu ban kyntiew ia ka jingtbit bad jingtip jong ki nongiashim bynta ha ka liang ki tiar elektrik, da kaba kyntiew ia ki jingtbit ba lah ban leh bad ki buit thymmai.
Ha ka jingkren plie jong u, u Fr. U Francisco Dhar, Principal jong ka Bosco, u la pynpaw ia ka jingdonkam ban pyndonkam ia ka jinghikai ym tang na ka bynta ka jingmyntoi shimet hynrei ban long ruh kum ki nongmuna ha ki shnong ki thaw bad imlang sahlang. U la kyntu ia ki nongiashim bynta ba kin pyndonkam hok ia ka kabu bad ban iasam ia ki jingmut bad jintip sha kiwei pat.
U Akashdeep Das na ka State Project Implementation Unit (SPIU) RAMP u la ai ïa ka jingkren, da kaba batai ba kane ka jingthmu kan pynïasoh ïa ki nongshah hikai ha ki jingpule bapher bapher jong ka executive course, kaba ailad ïa ki ban jied ïa ki lynti kiba ïahap bad ki jingsngew tynnat jong ki. U la kdew ba ïa kane ka prokram la shna khnang ban kyntiew ïa ka jingtbit ha ka liang ka jingstad bad ka jingpynkhreh ïa ka ïew ha kylleng ki 12 tylli ki district jong ka jylla.
U ma P Toi u la u la kren, da kaba kdew ïa ka jingjop jong ki nongshah hikai ba la dep na ka District Commerce and Industry Centre (DCIC) bad pynshlur ïa ki nongïashim bynta ban bud ïa ki kam ba ki la jied da ka jingsngew tynnat ban pynthikna ïa ka lawei kaba seisoh. U la ban jur ia ka jingdonkam ban iashim bynta shitrhem bad kyntu ia ki nongshah hikai ban pynphriang ia ka khubor shaphang ki jinghikai ba khlem jingsiew kaba ki la ioh.
Ki nongkren ki la pynshlur ia baroh ki nongshah hikai ban iashim bynta pura, ban kylli jingkylli, bad ban shim ia kane ka kabu ban kyntiew ia ka kam jong ki ha ka liang ka MSME.
