Ka Meghalaya State Olympic Association (MSOA) ha ryngkat ka jingiatreilang bad ka Meghalaya Sports and Youth Affairs (MSOA) ka dang ïai bteng mynta ban ïit ia ki khynnah don sap na kylleng ki bynta jong ka Jylla na ka bynta ban iarap ban kyntiew ia ka sap jong ki bad ban pyniakhun ha ki lympung baheh ka Jylla bad shabar Ri (International).
Kawei na ki thong ban jied ia ki khynnah don sap ka long ban pynkhreh na ka bynta ka Olympic 2032 ka ban sa long ha Australia. Ka MSOA ka angnud ruh ba ki khynnah na kane ka Jylla kin ioh ban ïashim bynta ha katei ka lympung kaba heh bad ban tyngshaiñ na ka bynta ka ri baroh kawei. Kane ka thong bad ka jingiohi (vision) ka dei kawei na ki bynta ba u Myntri Rangbah ka jylla, Conrad K. Sangma u la ïai ban na ka por sha ka por.
Palat 10,000 ngut la dep ban ioh ia ki khynnah don sap na kylleng ka Jylla kynthup na Rilum Garo bad shen yn sa jied shuh shuh ha ka wat ba ar (2nd phase) na ka bynta ban pyntikna ia kiba kham don sap. Ka MSOA ka pynshai ruh ba ia kane ka program yn dang iai bteng ha ki Distrik bapher bapher ka jylla na ka bynta ka lawei jong ki khynnah bad ka burom jong ka Jylla.
