Ka lympung ïalehkai kaba la tip kum ka 12th Chatister Kharkongor Memorial Trophy jong ka kyrdan 1st Division Football Tournament 2024, bala pynïaid da ka West Jaiñtia District Sports Association (WJDSA) Jowai kaba la long mynta ka sngi 25 tarik u Risaw ha madan Kiang Nangbah Stadium, Jowai.
Haba phai sha ka jingïakhun mynta ka sngi ka kynhun ïalehkai jong ka Mooknor Thadmuthlong kala pynliem da 4-1 kol ïa ka Mookyndur, ïa ki kol na ka Mooknor Thadmuthlong la thep da u Coming Sari haka minit ba 9, u Ban Tang haka minit ba 45+1 bad u Ioh i Dhar haka minit ba 55 & 63. Katba ïa ka shikol na ka Mookyndur la thep da u Jomsing Pariat haka minit ba 45+2.
Ka jingïakhun lashai ka sngi 26 tarik u Risaw kan long hapdeng ka Mukhla Evergreen pyrshah ïa ka Mynthong ha ka por 2 baje nohphai sngi.