Ha ka jingshim bishar ba khadduh jong ka ïngbishar u Honorable N.A. Khan Sessions Judge Jowai kala rai pynrem ia u wei u briew ba la tip kyrteng u Elias Siangshai, da kaba rai set phatok 15 snem kynthih ryngkat ka kuna.
Kane ka dei ka jingshim bishar ia ka jingjia kaba la jia ha ka 15.11.2021, ha ka por 12:00 baje mynsngi, ha kaba kawei ka samla kaba dang wan na Umpyrkit ka la shah batbor ha u mama jong ka u Elias Siangshai, uba la maham ruh ia ka ba kam dei ban pynpaw pyrthei ia katei ka kam jong u. Hynrei na ka liang katei ka samla ka la ujor da ka FIR ha Nartiang Police Station, kaba hap hapoh ka Case No. 48 (11) 2021 katkum ki kyndon 376 (2) (f) bad 506 IPC, kaba la aiti ha ka WPSI I. Dkhar ban tohkit.
Ha ka 16.10, 2024, u Elias Siangshai u la shah rai pynrem ha u Honorable N.A. Khan Sessions Judge Jowai, bad la rai pynrem ia u da ka jingshah set phatok kaba 15 snem bad ka pisa kaba Rs. 5,000 ka kuna katkum ka kyndon 376 (1) (f), bad 5 snem ka jingshah set phatok kaba eh ryngkat bad ka jingsiew kaba Rs. 1,000 ka kuna katkum ka kyndon 506 bynta-II. Baroh ar tylli ki jingpynshitom kin iaid ha kajuh ka por, ha kaba ka por set phatok kaba dang sah kan long 12 snem, 2 taiew, bad 4 sngi hadien ba la sdang ia ka jingshah set phatok shwa.