Ka lympung ïalehkai phutbol jong ka kyrdan 1st Division bala pynïaid da ka East Jaiñtia Hills District Football Association kaba la long mynta ka sngi 25 tarik u Risaw ha madan Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Wahiajer Narpuh YSSC kala pynliem da 7-1 kol ïa ka Khliehriat West FC, ïa ki kol na ka Wahiajer Narpuh la thep da u Santosh Taron haka minit ba 26, 37 & 41 (hattrick), u Paila Mukhim haka minit ba 49, u Den Mukhim haka minit ba 80, u Bantei Sumer haka minit ba 85 bad u Any Manner haka minit ba 88. Ïa ka shikol na ka Khliehriat West FC la thep da u Silgrak Pala haka minit ba 78.
Katba ha ka jingïakhun kaba ar hapdeng ka Diengshynrum SC pyrshah ïa ka Byndihati CSC kila poi sha ka jingïakhaid khlem da don kiba ïoh ban thep kol (0-0).
Ka jingïakhun ha ka lasngi 26 tarik u Risaw kan long hapdeng ka Bataw YWSC pyrshah ïa ka Lumshken SC ha ka por 12 baje mynsngi, katba ka Tpepswer SSWO kan ïakhun pyrshah ïa ka R. Wahshnong SC ha ka por 2 shiteng nohphai sngi.