Ka “3rd District Level Youth Exchange Programme 2024” ba ar sngi lynter bala pynlong da ka ophis u District Sports Officer ka West Jaiñtia Hills District, kaba la sdang hynnin ka sngi 24 tarik bad pynkut mynta ka sngi Thohdieng 25 tarik u Risaw ha Kiang Nangbah Government College, Auditorium Jowai halor ka phang kaba ong “Today’s Youth, Tomorrow’s Leader” shi bynta na ka prokram Fit India.
Ïa kane ka prokram la wan ban pynhap pyrda ïa ka mynta ka sngi da ka kongsan ka kong D.V Lyngdoh, ADC ka West Jaiñtia Hills District ha ryngkat ka jingdonlang u DSO ka WJHD ma K. Passah bad kiwei de.
Ha kane ka sngi la sam ruh ïa ki khusnam sha ki nongjop ha ki jingïakop bapher bapher naduh ka jingdro dur, Quiz, Poetry, Story Writing, Science Mele, Solo Folk Song, Solo Folk Dance nalor kiwei kiwei de.
Na ka liang ki samla pule na ki skul bad ki College kiba don hapoh ka District kila wan ban ïashim bynta shit rhem, ïa ka nam jop ha ka jingthoh Poetry la jop da ka Government Boys’ HSS bad ba ar da ka KJP Synod Mihngi HSS, ha ka Story Writing la jop da ka Government Boys’ HSS bad ba ar da ka North Liberty HSS.
Ha ka Painting la jop da ka Nongtalang College bad ba ar da ka Kiang Nangbah Govt College. Ha ka Declamation la jop da ka Government Boys’ HSS bad ba ar da ka North Liberty HSS.
Ha ka Solo Folk Song la jop da ka Nongtalang College bad ba ar da ka Government Boys’ HSS. Ha ka Solo Folk Dance la jop da ka Government Boys’ HSS bad ba ar da ka Marianhill Higher SS.
Ha ka Group Folk Song la jop da ka Thomas Jones Synod College bad ba ar da ka North Liberty HSS. Ha ka Group Folk Dance la jop da ka Seiñraij Higer SS bad ba ar da ka Government Boys’ HSS. Ha ka Quiz la jop da ka Government Boys’ HSS bad ba ar da ka Nongtalang College.
