U Rev. Dr. R. R. Conville haba iathuhkhana ha ka por 2 baje nohphai sngi haka jingiaseng ialap (Festival of Peace) kaba ar sngi, kaba la pynlong da ka Balang Presbyterian, Jowai ryngkat ka jingïatrei lang bad ka Billy Graham Evangelistic Association, u la ong u la pynsngew ïa ki paid riewngeit shaphang u Jisu Khrist uba la shah halor ka diengphna na ka bynta ki pop jong ki briew.
U Pastor Conville ula ong ba dei lyngba ka diengphna u Jisu Khrist ki riewngeit ki lah ban wan phai biang sha U Blei ban ïoh ka jingpynim bad ka jingkyrmen ban lait na jingteh mraw ka pop. Shuh shuh ula pynkynmaw ïa ki lai tylli ki bynta bad ki jingjia ha ka jingim jong ki riewngeit kata kaba nyngkong ka Jingkylla bamut, ba ar ka Jingngeit ha u Trai bad kaba lai ka jingleh ha kaba paw.
Kane ka jingiaseng ialap Festival of Peace, ka la sdang naduh ka janmiet jong ka sngi Saitjain 26.10.2024 bad kala kut mynta ka sngi U Blei, kaba la pynlong ha madan Jrisaleiñ, Jowai. Da ki hajar ki riewnget na ka Balang Prebyterian Khmimmusniang, Balang Prebyterian Mynthong, Balang U Blei Mynthong bad kiwei de ki riew ngeit ki la wan sha kane ka jingseng, nalor ki Pastor, ki Tymmenbasan, ki rangbah Balang bad ki nongkit kam jong ki longkmie.
Ha kane ka jingiaseng ladon ruh bun ngut ki riewngeit kila ïoh ka jingduwai jingpynkhiah lyngba ki shakri U Blei haka jingïaseng.
Ha ka sngi U Blei 27.10.2024, ha ka jingïaseng por 10 baje mynstep bad ha ka por 2 baje nohphai sngi ïa ka khubor na ka ktein jong U Blei la sam da u Rev. Dr. R. R. Conville bad, la pynrhem mynsiem shuh shuh ïa kane ka Jingïaseng da ki jingrwai na ki samla ka Balang bad kumjuh na u nongrwai ñiam ba paw ka ri u Vijay Benedict.
Ïa kane ka jingïaseng la pynkut ha ka por 7 baje janmiet bad ïa ka khubor na ka ktien U Blei la sam da u Rev. L. Nongrud.
