U CERELAC, u jingbam tei met ka Nestle u la poi sha ka jingdap 50 snem ka jingshakri ha Ri India. Ka wat ba nyngkong jong u CERELAC la shna da ka karkhana Nestle ha India ha Moga, Punjab ha ka 15 tarik u Nailur, 1975. Mynta, ki spah ngut ki nongtrei ba shitrhem ki dang ïai bteng ban shna ia une u jingbam tei met uba bha da kajuh ka rukom trei ba janai bad paka ha karkhana Moga ha Punjab bad karkhana Samalkha ha Haryana.
Ha ki san phew snem ba la dep, u CERELAC u la pynneh ïa ka jingthmu ban ai ka jingbam tei met ba paka, kynthup ki jingbam symboh bad ka dud. Man ka wat kaba pynmih CERELAC ka ïaid haduh bunsien ki jingīit bniah (kumba 40 tylli ki test) ban pynthikna ba uwei pa uwei u song un long uba khuid bad shngaiñ ban bam.
Ki Vitamin bad Mineral ki don ka bynta ba kongsan ban ïarap ban pynduna ïa ki jingduna bor tei ha ka met. Da kaba bam ïa kine ki jingbam kan kyntiew bad kyrshan ïa ka met ba kan long kaba koit ba khiah krat. Naduh ba la sdang ha India, u CERELAC u ai ka jingbam tei met na ka bynta ki khunlung kiba 6 bnai haneng. U CERELAC u don 15 tylli ki bynta ban tei met, kiba kynthup ia ki Vitamin bad Mineral, kiba lah ban pyndonkam ha ki jingbam ha ïing katkum ka jingbthah kiba tbit ha ka koit ka khiah.
Ki jingkhleh ha kaba pynmih ïa u CERELAC la pynwan-dur ha ka jingïatreilang ka Nestlé’s Global R&D Network, ryngkat ka jingtbit kaba la don lypa bad kiwei pat ki kor ki bor.
Ha ki 5 snem ba la dep, ka rukom jingkhleh shini la pynduna ha u CERELAC da 30% kum shi bynta ka jingïaid lynti kaba thymmai. Ka Nestle ka la poi sha ka thong ban wanrah ia u CERELAC u bym don jingkhleh shini. Īa kane la sdang lai snem mynshwa bad ka la urlong mynta u snem da ka jingwanrah ia ki jingkhleh thymmai ha u CERELAC khlem ka shini. Na ki 21 jait ki jingkhleh ha u CERELAC, mynta 14 tylli ki jingkhleh kin nym don shini. Na kine 14 jait, 7 tylli yn sa ïoh ha u Naiwieng, 2024 bad kiba sah pat ha ki taïew ban wan.
Ka jingïaid lynti u CERELAC kam dei eh ban wanrah ki jingbam tei met; ka Nestlé ka don ïa ka bynta ban ïatreilang bad ka jingkitbok. Ka Nestlé India ka trei ryngkat bad ki nongrep, ban hikai bad pyntbit ïa ki ha ka ban wanrah ki jingkhleh kiba tei, pynduna ïa ka jingkynthup carbon bad pynneh ïa ka mariang na ka bynta ki pateng ban wan. Lyngba ka jingjop haba pyntreikam ïa ka Zer’ Eau Technology ha karkhana Moga bad Samalkha, ka um kaba sei na ka dud la pynwan-dur ban pynduna ïa ka jingpyndonkam um man la u snem, kumta kan pynduna ïa ka jingshaniah ha ka um.
Ka jingïaid lynti u CERELAC ha India ka la long kaba jop na ka jingshaniah, ka jingkyrshan bad jingïatreilang kaba ka Nestle ka pruid dak lah da ki phew phew snem bad ki nongrep, ki nongpynbiang ïa ki jingdonkam bad ki nongsam ha kylleng ka Ri India. Ka Nestlé India kan bteng ban pyntreikam ïa ka Nestlé’s Global R&D Network ban pynthymmai ïa ki mar bad plie lad sha kiba pyndonkam kiba long jingïarap, kiba tei met bad kiba ïahap bad ka jingdonkam ki nongshong shnong.
Kane ka long katkum ka jingpyllait khubor napoh Nestlé House lyngba ka Tangent Events & PR.