Ka Rangdajied FC bad Rymbai Shkenshynriah SC ki la sdang ia ka jingiaid lynti ha ka lympung Meghalaya State League (MSL) da ka jingiakhaid, kata da 0-0. Ia kane ka lympung la pyniaid da ka Meghalaya Football Association (MFA).
Ha katei ka jingiakhun ba la pynialehkai ha Khliehriat, baroh 2 kynhun ki la iakhun tyngeh ban ioh ia ka jingjop ba nyngkong hynrei da ka jingiakhaid bor ki khlem ioh ban pynkhih jar, kumta ka jingiakhun ka la kut noh ha kaba ki la ioh mar shi poiñ.
Ka jingiakhun kan bteng biang ha ka 30 Tarik mynta u bnai ha kaba ka Sutnga SS&CC kan iakhun pyrshah ia ka Riangdo YSCA ha ka por 2 baje nohphai sngi, ha madan Mawkyrwat ka Mawlum Tyrsad SC pyrshah ia ka Ladthadlaboh SC ha ka por 2 baje nohphai sngi ha madanbTyrsad, ka Mulait United FC pyrshah ia ka Iatyllilang Lumsehkot FC por 2 baje nohphai sngi ha madan Raliang Khliehriat bad ka Shillong Lajong FC pyrshah ia ka Seinbhalang Shkentalang FC ha madan Wahiajer, por 2 baje nohphai sngi.