Ka seng Hynniewtrep Intergrated Territorial Organization (HITO) mynta ka sngi ka 28 tarik Risaw ka la wan ai da ka dorkhas ha i Additonal Chief Conservator of forest Ministry of forest & Environment Govt of India North Eastern Region haba iadei bad ka jingpynslem bad budien ban tehlakam ia ki cement factory ha East Jaintia Hills.
Haba kren sha ki lad pathai khubor na ka liang u President jong ka Hito u Bah Donbok Dkhar u la ong ba ha kane ka dorkhas ngi buddien haba iadei bad ka jingpynslem ban tehlakam ia ki cement factory kiba don ha East Jaintia hills.
Kum ban shu pynkynmaw ka Star cement dang shen ka ioh ia ka clearance na ka Ministry of forest & Environment ngi la iohi shai ba ka sorkar jylla ka siat suloi na tyrpeng jong ka ministry of forest & Environment ngin nym ailad ngin iakhun beit haduh ba ngin da ioh ia ka jingjop. Kaba sngewphylla ka long ba dang shen ki ioh clearance ban pynlong ia ka public hearing jong ka Megha Top ngi sngew phylla ba kumno kata ka Ministry of Forest & Environment ka ai clearance ynda ngi la wad bniah ka dei beit ka single window agency kaba recommend hynrei ka Ministry of Forest & Environment kin shu pyni beit sha Delhi kane ka long kaba khuid bad kim pyni pat ia ka jinglong jingman jong ki nongshong shnong kiba don hapoh ka thain East Jaintia ba ia ka um ki hap thied bad ki hap ring mynsiem ia ka lyer ba jakhlia. Kane ka dei ka kam iap kam im jong ki paidbah bad lada ka Ministry kam leh ei ei ngin sa file da ka complain sha ka Human Right.
Lada donkam biang ngin sa hiar biang sha ki paidbah ryngkat bad ki kot ki sla ba ngin pyni ia ki paidbah nongshong shnong ba kum kino ki Politicians ngi don ha ka jylla jong ngi khnang ba ki paidbah kin tip shai bad kin sngewthuh haba kut hi ki dei tang ki politician kim dei kiba ieid ia ka ri bad ka jaidbynriew.
Ha ka jingpynkut u la ong ba u ophisar ba peit ia kane ka kam u dang don tour shabar bad ynda la wan phai kin sa phah sha Delhi haba iadei bad ka dorkhas ba ai da ka seng HITO mynta ka sngi bad lada kim leh ei ei na ka liang ka seng kan sa shim da kiwei ki sien jam namar ka dei ka kam kaba ktah ia ka mei mariang bad ka khyndew ka shyiap jong ngi. Ngin shu pyntip ia phi ka Jaintia Hills Autonomous District Council (JHADC) ruh kam don ia ki kot ki sla kiba biang hynrei ki la shu ia shna katba mon kaba ima mynta ki briew ba stad ki la pyndonkam bakla ia ka bor bad ka iktiar.
Kum ban shu pynkynmaw ka jingjia bad ka jingiakhih bad ka Ministry of Forest & Environment ha ki snem ba la dep ka shu kut kumto ha ki lad pathai khubor hynrei kane ka kynti ba mynta ngim ailad bad kaei kaba mih sha u paidbah ka dei ka nongkynti jong u paidbah ka jylla jong ngi.
