Ka Jaiñtia National Council (JNC) hapoh ka jingialam u General Secretary u Wanshwa Suting hynne ka sngi jong ka 29.10.2024, ki la leit ia kynduh ia ka kong R.S. Manners kaba long ka Director jong ka Directorate of Educational and Research Training (DERT) Meghalaya. Kane ka jingiakynduh jong ki dkhot ka JNC ka long na ka bynta ban weng ia ki jingeh ha kaba iadei bad ka jingdon ki nonghikai ha ka District Institute of Education and Training (DIET) kaba don ha Thadlaskein, West Jaintia Hills.
Ka JNC ka la ong ba kumba long mynta, ka DIET Thadlaskein ka don tang 14 ngut ki nonghikai hadien ka jingpynkynriah kam noh ïa arngut ki nonghikai, kaba la wanrah ïa ka jingkit kaba eh jong ki nonghikai kiba don ha katei ka jaka.
Nalor kata, ka JNC ka la pynpaw ïa ka jingsngewkhia halor ka jinglong jingman jong ki jaka leit shabar bad ki jaka sait jaka khlieng ha DIET, kiba buh jingma ïa ki samla pule bad ki nongtrei, khamtam ha ka por ba slap.
Ka council ka la ong ruh ba ka jingpynïaid ia ka annual eksam jong ka Meghalaya Teacher Eligibility Test (MTET), kaba long shi sien man la ka ar snem. Ki la kynthoh ba ka eksamin man la u snem kan ïahap bad ki rukom jong ka sorkar pdeng bad kane kan ktah ia ka rta ki nongpule.
Na ka liang ka kong Manners ka la pynthikna ïa ka JNC ba ka jingpyrshang ka dang ïaid shakhmat ban pyndap ïa ki kam ba lait ha DIET, Thadlaskeiñ bad ba ka jingthmu ban pynlong ïa ka MTET man la u snem ka long kaba la pynkhreh. Ka la pynthikna ruh ba ïa ki scholarship na ka bynta ki samla pule ka DIET la sanction bad shen yn sa pyllait noh da ka sorkar Meghalaya.