Ka Nangkiew Irat Sports Club ka la ioh ban khur ia ka jingjop da 3-1 kol hynne ka sngi ka 29 Tarik Risaw ha ka jingiakhun pyrshah ia ka Langsning Football Club ha ka wat ba 3 na ka bynta ka lympung Shillong Premier League 2024-25.
Katei ka jingjop ka la wan na ka jingtbit jong u Wallamsuk Nongkhlaw uba la ioh ban thep ia ki 2 kol, ha ka minit ba 66 bad 78 kata hadien ba ki rangialehkai ka Nangkiew Irat ki la kham noh mynsiem na ka jingshah thep kol ha ka kylla step lyngba u Dauruhipaia Pale ha ka minit ba 17. Lyngba ka jingiakhun kaba khlem duh jingkyrmen ki la ioh ban khur ia ka 3 poiñ kaba dei ruh ka poiñ ba nyngkong ba ki la ioh ha kane ka samoi ba thymmai. Ia kawei pat la kol na ka bynta ka Nangkiew Irat la ioh ban thep da u Isak Vanlalpeka ha ka minit ba 43.
Ka jingiakhun na ka bynta lashai ka sngi (30.10.2024) kan long hapdeng ka Ryntih FC bad Rangdajied FC ha madan SSA stadium Polo Shillong por 5:30 janmiet.
