Ka Rangdajied United FC ka la ioh ia ka jingjop ba nyngkong ha ka lympung Shillong Premier League 2024-25 da ka jinglah ban pynliem ia ka Ryntih FC da 3-0.
Kum ban shu pynkynmaw, ka Rangdajied ka la liem noh ha ka Lajong bad Mawlai kiba dei ruh ki jingialehkai ba nyngkong mynta ka samoi hynrei lyngba ka jingiakhun ba tyngeh ki la ioh ban khur 3 poiñ hynne ka sngi ka 30 Tarik Risaw ha ka jingialehkai ba la pynlong ha madan SSA stadium Polo Shillong.
Ia kitei ki 3 kol na ka bynta ka Rangdajied la ioh ban thep da u Pasborlang Khonglikong ha ka minit ba 78 bad 90+3 katba ia kawei pat ka kol la ioh ban thep da u Mawbhakupar Iawphniaw ha ka minit ba 88. Lyngba katei ka jingiakhun, ka Ryntih bad Rangdajied ki la iakhaid bor ha ka jingioh poiñ, kata mar 3 poiñ.
Ka jingiakhun na ka bynta lashai ka sngi ka 31 Risaw kan long hapdeng ka Nongthymmai SC pyrshah ia ka Nongrim Hills SC ha ka por 5:30 janmiet.