Ka Khasi Students’ Union (KSU) Shillong mihngi Circle ha ka 30.10.2024 ka la pynlong ia ka jingpyn sngewthuh paidbah (public awareness) ha kaba iadei bad ka jingpep skul shiteng por, ka jingsniew ki jingdih buaid bad ka jingshong kha khynnah.
Ia kane ka sienjam ka seng kala shim hadien ba ka la iohi iaka jinglong jingman jong ka imlang sahlang kaba mynta ha kaba ki khynnah ki kloi ban ngop ha ki jingsniew kiba pher bapher. Ki nongkren ha kane ka sngi ki long u Samla James H Mawphniang (Legal affairs secretary KSU CEC) u ba la batai halor ka mat ka jingshongkha Khynnah bad ka jingktah jong ka ia ka imlang sahlang, U samla Shiningstar Kharbihkhiew (Environment secretary KSU-CEC), u ba la kren halor ka bynta ka jingktah jong ka jingpep skul shiteng ki khynnah bad i Kong Jennyfer Nongbet bad Deep Gurung kiba la wan mihkhmat na ka Child friendly society kiba la ai iaka jingkren bad jingpynshai ha kaba iadei bad ki jingsniew bad jingktah jong ki jingdih pynbuaid ki bapher bapher.
La pynshngain lang iakane ka program da ka jingdonglang ki nongialam ka Organising committee KSU-CEC, u bah Phrangborlang Warjri Rangbah Shnong ka shnong Nongmensong ki Executive committee jong ka Dorbar Shnong Nongmensong, ki nongialam bad dkhot ka Nongmensong Women’s welfare Association, ki kmie ki kpa ki khynnah skul ka Nongmensong Dorbar Secondary School, ki nonghikai skul bad ki khynnah skul ka Nongmensong Dorbar Secondary School ki ba la sngap pynleit jingmut iaka jingbatai bad pynsngew jong ki nongkren.
